tujhe kasam hai rukanaa nahiin
kisii ke aage jhukanaa nahiin
jo kal karanaa hai aaj karein
ye jang agar ladanii hai to aao mil ke aagaaz karen
aagaaz karen aagaaz karen aao mil ke aagaaz karen
aagaaz

khaamosh zubaan bojhal aankhein
mushkil mein jaan sahamii saansein
saare chehare hain dare dare
zindaa hain lekin mare mare
aise gahare sannaate mein
uunchii apanii aavaaz karen
vo kaun hai jo aagaaz kare
aao mil ke aagaaz ...

jo bhiid mein tanhaa chalataa hai
sabase aage vo nikalataa hai
jo kadii dhuup mein jalataa hai
vo thandii chhaanv mein palataa hai
jo hotaa sachchaa abhimaanii
vo detaa hai har qurabaanii
ye duniyaa us pe naaz kare
jo badhkar aage aagaaz kare
aao mil ke aagaaz ...

ek akelii mauj samandar se kaise takaraaegii 
chattaano se takaraa ke aandhii vaapas aa jaaegii
ham mil ke saath chalenge to sailaab nayaa ik laaenge
is aasamaan ko jhukaaenge
ik saath chalo paravaaz karen
aao mil ke aagaaz ...