baar baar haa.n, bolo yaar haa.n
apni jeet ho, un ki haar haa.n
koi hum se jeet na paave
chale chalo, chale chalo
mit jaave jo takraave, chale chalo
bhale ghor a.ndhera chhave
chale chalo, chale chalo
koi raah mein na tham jaave, chale chalo
toot gayi jo oo.ngali utthi
paa.ncho.n mili to ban gayi mutthi
ekaa badhata hi jaave
chale chalo, chale chalo
koi kitna bhi behkaave, chale chalo

koi na ab roke tujhe, toke tujhe
tod de ba.ndhan saare
mila hai kya ho ke tujhe nirbal, tu hi bataa
kabhi na dukh jhele.nge, khele.nge
aise ke dushman haare
ki ab to le le.nge himmat ka rasta
dharati hila de.nge sabko dikha de.nge
raaja hai kya, parja hai kya, ho
hum jag pe chhaye.nge, ab ye bataaye.nge
hum logo.n ka darja hai kya, ho
ab dar nahi.n man mein aave
chale chalo, chale chalo
har bedi ab khul jaave, chale chalo

chala hi chal, haaa.nf nahi.n, kaa.np nahi.n
raah mein ab tu raahi
thakan ka saa.np nahi.n ab tujhe dasney paaye
wo hi jo tera haaqim hai, zaalim hai
kee hai jisne tabaahi
ghar us ka pachchhim hai, yahaa.n na basne paaye
dharati hila de.nge, sabko dikha de.nge
hum logo.n ka darja hai kya, ho
jo hona hai ho jaave, chale chalo
ab sar na koi jhukaave, chale chalo